ابكى يا امى وام الدنيا بدل الدموع دم ابكى على ولادك اللى رخصوكى وشيلوكى الهم .

ابكى يا امى على الجبان الخسيس اللى اخد خيرك ومدكيش غير وجع القلب والغم .

ابكى ياامى على اللى باع نفسه للشيطان وقتل ابوه واخوه وكل يوم بيزيد الامك ورافض يرجع لعقله او يتلم .

ابكى يا امى على اللى خانك فى ماتش كورة ابكى وزيدى البكا على اللى بدمه دفع الفاتورة .

ابكى كمان وكمان على اللى بيفرح فيكى لحظه مايشوفك حزينه مكسورة .

ابكى ياامى واصرخى واعلنى الحداد على اللى عايش واللى مات .

وعلى اللى داس على دمعتك وعدى وفات .

وعلى اللى مغلوب على امرة مابين الكلام والسوكات .

ابكى ويلا اصرخى وهزى كل الكون اهات .

ابكى وعلى صرختك اكتر واكتر على اللى اكثر فيكى الفساد .

وعلى اللى عايز يصور للعالم كله انك خلاص امنك ضعف جيشك ضعف شعبك قرف ومش قادرة تحمى اى حد من العباد .

ابكى يا امى وفضفضى بس ما تستسلميش ياغاليه مهما حصل من مكر الثعالب وعض الكلااااااااااااااااااااااااااااااب .

دول مكروا ونسيو ان الله خير الماكرين وبكره هيحرقهم فى نارجهنم ويزيدهم عذاب .

بس الصبر طيب وعدله قريب وجاى جاى وقت الحساب .